06 dekabr 2021-ci il tarixində “Cinema Plus”da Azərbaycan Respublikasının Gənclər Fondunun dəstəyi və Azərbaycan Könüllülər İctimai Birliyinin təşkilatçılığı ilə “Könüllülərin Zəfəri” layihəsi çərçivəsində “Könüllülərin Zəfəri” klipinin təqdimatı keçirilib.

Klip 44 günlük Vətən Müharibəsində iştirak etmiş könüllü gənclərin fəaliyyətinə və 5 dekabr – Beynəlxalq Könüllülər Gününə həsr olunub. Əsas mesaj – könüllü olmaq və könüllülərin iştirakı ilə tariximizə qızıl hərflərlə yazılmış anların musiqili klip vasitəsilə gənclərə çatdırılmasıdır. Klip həmçinin könüllülərin Vətənə və dövlətə sevgi ilə xidmətindən bəhs edir.

Klipi izləyə bilərsiniz: Video

Klipin ərsəyə gəlməsində əməyi keçənlər:

• Layihə rəhbəri: İmaməddin Quliyev

• Musiqi: Bəbir və Ülviyyə Bəbirli

• Sözlər: Səba Qafarlı

• Aranjiman: Bəbir Bəbirli

• Gənc ifaçılar:

  • Fərid Hüseynli

  • Amir Paşayev

  • Əmrah Musayev

  • Leyla Tağıyeva

  • Firuzə Məmmədova

• Rejissor: Orxan Əsgərov

• Operator: Cavid Yaqubov

• Montaj və rəng korreksiyası: Dmitriy Ponomaryov

Təqdimat mərasimində layihədə iştirak edən könüllülərə sertifikatlar və hədiyyələr təqdim olunub. Çıxış edən layihə rəhbəri, Azərbaycan Könüllülər İctimai Birliyinin sədri İmaməddin Quliyev bildirib ki, layihənin əsas məqsədi gənclərin könüllülük hərəkatına marağını artırmaq, milli vətənpərvərlik və Vətənə sədaqət ruhunda tərbiyə olunmasına töhfə vermək, həmçinin onların bu istiqamətdə həyata keçirilən layihələrdə fəal iştirakını təmin etməkdir.